Dukagjini Resort në Forbes Global Properties

Për herë të parë, një pronë rezidenciale luksoze në Dukagjini Resort është prezantuar në platformën Forbes Global Properties, duke e vendosur bregdetin verior të Shqipërisë në hartën globale të pasurive të paluajtshme premium.

Listimi, me titull “The Catalyst of the Northern Albanian Coastline”, është sinjal se tregu shqiptar po kalon nga zhvillimi lokal drejt standardeve ndërkombëtare të luksit dhe transparencës.

Forbes Global Properties përfshin vetëm prona që plotësojnë kritere të rrepta cilësie, lokacioni dhe potenciali investimi. Prania e Dukagjini Resort në këtë rrjet tërheq vëmendjen e investitorëve dhe blerësve premium.

I pozicionuar në rajonin e Lezhës, në zonën Shëngjin–Kune, Dukagjini Resort po shfaqet si një nga projektet më ambicioze rezidenciale dhe turistike në bregdetin verior. Penthouse-i i listuar ofron arkitekturë moderne, hapësira të gjera dhe pozicion strategjik pranë detit.